بسم لله الرمن الرحيم منقول عن الاخ: محمد زيدان
لقدقررت فى الفترة القادمة ان شاء الله ان نتحدث سويا حول النقد الادبى ومعرفة كيفية النقد الادبى لكى نكون شعراء كما ينبغى ان نكون
فليس من الطبيعى ان نكتب الشعر ولسنا على دراية بكيفية نقده
دى مقدمة على النقد
وارجوا متابعة الموضوع للاستفادة
اولا يعنى اية نقد : يعنى معرفة الكلام والتفريق بين جيدة وردئية محاسنة وعيوبة
طب واحد هيسئلنى هو النقد دا بيبقى فيه اية بالظبط ؟
هو بيبقى فى اقسام قسمها المهتمون بعلم النقد الادبى
فيه ناس قالوا ان النقد بيكون فى المعانى يعنى بيهتم بالمعنى المراد من الكلام يعنى فكرة الاغنية او النص والكلام اللى بيتفق معاه
يعنى مثلا مش انا بكتب فكرة اغنية عن الحب والرومانسية واكتب فيها كلام مليان جرح وتعذيب والالام دا ميبقاش شعر دا بيبقى جهل
فى كتابة الشعر
وفيه ناس قالوا ان النقد هو اللى بيكون فى الالفاظ وتعلقها الالفاظ
بمعانيها زى اية زى مثلا واحد عايز يكتب عن حبه للبحر او للقمر ميجيش يقول
القمر بيحب طب وهو للقمر قلب عشان يحب ازاى تطلق صفة من صفات البشر على
جماد محدش يقولى دى صورة شعرية لان الصورة الشعرية لازم تكون ممنطقة يعنى
فيها منطق
وفيه ناس قالوا ان لنقد بيكون فى الأوزان، والقوافي والأسجاع، وائتلاف
بعضها ببعض،زى ما احنا بنتكلم كدا بالظبط نخش نقول لصاحب الاغنية انت
اوزانك مكسورة مش عارف قوافيك مش مظبوطة زى واحد يكتب جملة قافيتها مثلا
كدا
مكنتش بحبك مكنتش معاكى وعمرى ما شوفتك معايا ف طريق
بحبك وعمرى عايشة كدا وفاكره فى عيونك حاجات مش فيك
لو بصيت هتحس ان الاوزان والكلام مش راكب على الحالة وكمان القوافى مش واحدة
ودا اهم انواع النقد بالنسبة للاغنية لازم نتعلمه صح عشان واحنا بنكتب نعرف نطلع اخطاءنا ومش نقع فيها
طب المطلوب
ان الناقد يكون شاعر فى الاساس لانه اقدر الناس على معرفة الاخطاء واحنا الحمدلله كلنا شعراء وبنكتب كويس قوى
فيه مننا اللى لسه بادئ وبنقوله انت هتبقى زينا لو اهتميت بالنقد واهتميت
بكلام الناس اللى بتقولك اخطاءك وسيبك من اللى بيقولك برافوا ويقلب
طب فيه حاجة تانية
اه ان الناقد يكون عادل يعنى يفرق بين خلافته الشخصية وبين النص يعنى مثلا
واحد كاتب نص حلو قوى قوى وانت اساس مش بطيقه فتقوم مطلع فى النص القطط
الفطسانة عشن تحرجه قدام الناس لا
انت زى القاضى لازم تكون محايد قول اللى عليه واللى ليه وملكشى دعوى بصاحب النص
طب فيه حاجة كمان
اه فيه وهو انك تتفق مع نفسك نك تتخلى عن المجاملة فى الشعر عشان تقدر
تخلق شاعر واعد من خلال نقدك لانه ساعتها هيبقى فاكرك بكل كلمة قولتهالوا
ودا المطلوب نتخلى عن المجاملة شوية واحد مبيعرفش يكتب قوله مبتعرفشى تكتب
عشن يقدر يدور على حاجة جواه يتميز بيها
للاسف ناس كتير دلوقتى بقت بتقول نا شاعر وبعرف اكتب وهي يا دوب بتاخد كلمات اغانى مستهلكة وتركبها على بعض
شوفوا الرافعى بيقول اية عن النقد
«إذا كانَ من نَقْدِ الشِّعر عِلمٌ؛ فهو علمُ تشْريحِ الأَفكَار، وإذا كان
منهُ فنٌّ؛ فهو فنُّ درسِ العاطفة؛ وإذا كانَ مِنهُ صِناعة؛ فَهو
فكروا فى كلامى ونتابع السلسلة مع بعض واى حد عنده معلومات ياريت يضيفها
موضوع: سلسلة النقد الادبي 
الأحد ديسمبر 07, 2008 4:24 am
