التكثيف فى النص الشعرى

تيمورى جديد تاريخ التسجيل : 09/12/2008

الدرس ده كنت منزلة عندى فى منتدايا ولقيت انكم برضة اخواتى ولازم نتكلم سوا فيه

التكثيف معناه الاختزال بس الاختزال فى الفظ دون المعنى ازاى

يعنى بدل ما تجيب قصة كبيرة قوى قوى فى ميت كلمة كلهم لمعنى واحد جبهم فى كلمة جامعة للمعانى زى اية

زى مثلا لما واحد يكون مخنوق من حياته مخنوق من كل حاجة موصلات دراسة حب شغل اى حاجة

ممكن يعبر عن الحاجات دى فى قصايد لو فصلها بشكل عادى او حكاية وهو ده اللى متوقع من الشخص العادى لكن الشاعر ذكى انسان مختلف غير كل الناس احساسه راقى جدا (انا بتكلم عن شعراء الكلمة بجد مش بتوع العنب والناس التعبانة دى )

لما يعبر عن حاجة زى دى ميجيش بقى يحكيها لانك بكده مختلفتش عن الانسان العادى وكلامك مش هيكون ممتع امال

تروح معبر عنها فى صورة شعرية

طب يعنى اية صورة شعرية خش هنا وانت تعرف

نكمل باقى الكلام

مخنوق متقلشى الكلمة دى فى وشى خلاص عرفت الى هتقوله واتوقعته

لكن تعالى قولى انا بنتحر جوايا

اية

انت بتقول اية ؟

اية الكلام الغريب ده فيه حد بينتحر جواه

انت عبيط ياعم ولا اية

شوف دى كلها استفسارات هتخش جوه ذهن المستمع من اول ما يسمع اللكمة هيقولك طب عيد كدا هتعيد وانت واثق انه مش هيمل منك لانه هو كمان عايز يوصل لمعناه

زالكلام ده مش معناه انك تجبلى حاجة متتفهمشى وتقولى شعر لا

الصورة الشعرية او الشعر ليه منطق عشان نقدر نتقبله هاتلى منطق متجيش مثلا تقولى زى الناس بتاعت الحداثة كان ليا واحد صاحبى اتريق عليهم وبيقول

قلة ومليانة كولا وشاى من الساقع

مفيش ترابط بين الجمل وبعضها عمر القلة مكانت مليانة كولا ولا الشاى بقى حاجة ساقعة هو ده اللى اقصده

هاتلى صورة متكاملة فى الشعر

هو ده التكثيف شئ بسيط محتاج ذكاء من الشاعر

ناخد امثلة على التكثيف عشان نوصل اكتر

واحد عايز يقول انا زى مانا اقوى من اى حاجة اقوى منك يا حياة ويا دنيا اقوى من اى حاجة هتكسرنى اختصر ده كله فى صورة شعرية كويسة قوى بتقول

قال الشجر للريح

ياريح يا قتّالة

فروعى تتعب تصيح

للارض ميّالة

طب حاجة تانية

واحد فقير وواحد تانى افقر منه بس ده عارف هو بيعمل اية وبيكسب ازاى والتانى مسلم ومتكل على الله يعنى مبيشتغلش مستنى الرزق يجيله لحد عنده نشوف الشاعر جابها ازاى

يا ابو العيال النحيفة والقلب اخضر مراعى

عينى زيك كفيفة لكنى شايف شراعى

ياابو العيال النحيفة

والقلب اخضر مراعى (يعنى انت عندك لسه صحة وشباب )

عينى زيك كفيفة (كان ممكن يقول ايدى زيك قصيرة )

لكنى شايف شراعى

حاجة تالتة اية هيا
دلوقتى انا عايز اقول للبنت اللى بحبها انتى بالنسبالى كل حياتى وعمرى وامى واختى ودنيتى وشوقى وحنيني وكلامى وغرامى وسلامى وسكوتى وهاااااااااااااااا للاخر يعنى شوفلها مصنع ورق بقى عشان تكمل وصفها

لكن انا مثلا لما اقولها كلمتين زى دول والله كتبتهم ومش حاسس انى ممكن اجيب زياده عليهم هنعتبرها رباعية

خارج كل الحدود فايق وصف البشر
سحر جمالك خلود وحلمى المنتظر

خارج حدود اى حاجة يعنى انتى عديتى حدود الوصف والطيبة والحنية والجمال وكل حاجة جبتها فى كلمة تدل على ده
خارج كل الحدود الحدود كلمة شاملة لكل حد اختيارها كان لازم عشان يبقى فيه تكثيف
فايق وصف البشر ده تأكيد للمعنى الاولانى اللى هو خروج عن المألوق والمحدود انك فقتى البشر محدش عارف يو
صفك
سحر جمالك خلود يعنى المعروف فى حياة البشر ان الجمال يبلى كأى شئ يبلى بينتهى انما انتى سحر جمالك خلود من الحلود والاستدامة كنت ممكن اقولها ببساطة انتى اجمل مخلوقة وهتفضلى فى عينى اجمل مخلوقة طب ما ده كلام اى حد يقوله عادى يعنى يبقى انا مختلفتش

وحلمى المنتظر يعنى انا يمكن اكون حققت احلام كتير لكن انتى او ارتباطى بيكى هو اهم حلم ممكن احلم بيه

مثال رابع
معايا ولا مليتو منى

معاك ؟؟؟(بستنتج الرد )

واحد عايز يقول لحبيبته انا بحبك بس انتى بتدفعينى ان ارجع للماضى بتاعى بكلامك وباهمالك فيا وبعدين انتى مش حاسة بيا ليه والكلام اللى ممكن نعمله سيناريو نشوف الشاعر قالها ازاى اختصر الموضوع انت لما بتروح للقاضى مثلا فى المحكمة مش بيسيبك تسترسل (ترغى يعنى ) فى المرافعة بيروح كاسفك ويوقلك والمطلوب او بناء عليه (يعنى عايز اية انجز ) فانت بتجيبله من الاخر البراءة ده عمل كدا قالها

متخلنيش احتاجلها مبحبهاش وبحبها
وقت الالم ملهاش بديل وانا ويلى ويل يتعبنى حبك القا نفسى فى حبها
متخلنيش احتاجلها
بحتاج لها والذكريات وحاجات تفكرنى بحاجات
وسنين سذاجة وتضحيات محسبتهاش وحسبتها

خلصت الاغنية
ناس هتقولى الاغنية قصيرة قوى قوى مش مشكلتك اوعى تكون لسه فاكر ان فيه ملحن دلوقتى بيعدل على الكلام ويوقلك شيل الكوبيليه ده او قصرة او زوده او اعمل كذا لا هيسيبك ويروح لواحد هو عارف اسلوبه ازاى ندى مثل
تامر عاشور دلوقتى لو واحد اداله ورقة فيها اربع كوبيليهات وكلهم بيدلوا على ان الكاتب مبتدئ او لسه بيتعلم
وجه واحد تانى ادالوا ورقة فيها اغنية قصيرة وتمام وكل حاجة بس عيبها ان فيها كلام مستهلك
يعنى اية كلام مستهلك (يعنى اتحنت مليون مرة اتقال مليون مرة حبيبى وانت اجمل ملاك وانت احلى ملاك وكل ايامى معاك والكلام ده ) حد هيقولى مافيه منه لحد دلوقتى هقولك شوف مين اللى كاتب ناس ثبتت رجلها فى الوسط فاى كلام هيكتبوه هيتباع انما انت لسه بادئ يبقى لازم تكون مميز
واحد بقى اخير ادى لتامر اغنية من الاخر كلام وزن وشكل وفكرة وكل حاجة اغنية مكتوبة بحرفنة عالية قوى يبقى هيسيب اللى يتعبه ويشتغل فى السهل
هو ده اللى عايز كل شعراء المنتدى يفكروا فيه فكر وانت بتكتب ان فيه مليون زيك بيكتبوا وكلهم نفسهم يوصلوا وبيحاولوا
فكر وانت بتكتب انك لازم تكون ليك شخصية عن غيرك فيه واحد يعتمد على شغل الايفيهات وواحد تانى على الفكرة وواحد ع المعنى الجديد وواحد على التكثيف فى العمل خدلك انت خط من دول وابدا ارسمه بذاتك انت كشاعر
فكر وانت بتكتب انك ممكن متوصلشى ومتتغناش ليك حاجة لكن عند اعمال جيدة ممكن فى يوم تنزل فى ديوان لاحد مكتبات النشر وتبقى برضة معروف

اكتبوا الشعر للشعر لحبكم فيه مش لبنت هتسمعها شعر او صورة بتدارى وراها حبوا الشعر قوى هيديكم قوى اى حاجة عايز تاخد منها حبها قوى واديها حقها
طولت بس مش بمل من كلام فى الشعر يالا بقى سلام

اى حاجة تقف معاكم انا تحت امركم فى اى حاجة المهم ان موضوعى يكون بين ولو جزء بسيط جدا جدا عن حاجة اسمها تكثيف فى الشعر

ملاك المنتدى العمر : 33 تاريخ التسجيل : 26/08/2008

شكرا على الموضوع المميز

تيمورى جديد تاريخ التسجيل : 03/12/2008

size=18]

اللي ميعرفش زيدان
زيدان شاعر كبير وعملاق
سابق عصره بجد وكلنا بنتعلم منه
بجد احنا كسبنا شخصيه جامده جدا
ياريت دايما يكون منورنا هنا

تيمورى جديد تاريخ التسجيل : 09/12/2008

[size=7]
اكتبوا الشعر للشعر لحبكم فيه مش لبنت هتسمعها شعر او صورة بتدارى وراها حبوا الشعر قوى هيديكم قوى اى حاجة عايز تاخد منها حبها قوى واديها حقها

كلامك جميل ، لكن بجد انا حعلق على النقطه دي واعتبرها استفسار

لازم الإنسان يوفق مابين الأتنين حبه للشعر وحبه للموقف اللي بيوصف فيها

علشان يبقى احساسه باين وظاهر امام الجميع يا زيدان صح؟!

يعني انا لو كنت بكتب علشان الشعر حيبقى الأحساس مش باين كويس ولو بكتب بس علشان البنت حيبقى الكلام مجرد أحساس

انا اللي شايفه ان الشاعر المميز هوا اللي يقدر يوظف معرفته في الشعر وخبرته في سبيل توصيل أحساس عميق كامن في ذاته للمتلقي بصوره جميله

يارب يكون كلامي صح وموضوعك بجد هايل وربنا يباركلك في علمك وانت عامل زي شجرة اللي وصفها الرسول عليه بتدي ريحه جميله وطعمها حلو

تحياتي

[/size]

تيمورى جديد تاريخ التسجيل : 03/12/2008

زيدان خف علينا احنا مش اد الحرفنه دى

خدنا على ادنا يا معلم
منور المنتدى و مشرفه بجد يا معلم زيدان

تيمورى جديد تاريخ التسجيل : 09/12/2008

ورد كتب:: شكرا على الموضوع المميز

شكرا ليكى يا ورد على مرورك

تيمورى جديد تاريخ التسجيل : 09/12/2008

wlaan كتب:

ربنا يخليك يا اشرف ودايما ان شاء الله معاك يا باشا

تيمورى جديد تاريخ التسجيل : 09/12/2008

mostafayazji كتب:

كلامك صح بس اانا اقصد حب الشعر خليه كل اهتمامك متخليهوش شئ عابر فى حياتك وشكرا على كلامك الجميل دا يا درش

تيمورى جديد تاريخ التسجيل : 09/12/2008

الفارس الحائر كتب:

زيدان خف علينا احنا مش اد الحرفنه دى

خدنا على ادنا يا معلم
منور المنتدى و مشرفه بجد يا معلم زيدان

يا باشا انا تحت امرك فى اى حاجة انت تؤمر

تيمورى ناويها تاريخ التسجيل : 18/06/2009

شكرا علي الموضوع