عايز تبقي مشرف/مشرفة | هــام جـــدا ً |,

لو نفسك تبقي مشرف معانا في المنتدي الرسمي للفنان تامر
تقدر تبقي مشرف معانا بمشاركاتك معانا في المنتدي
و في القسم اللى انت عايز تبقي مشرف عليه
و ده طبعا ً بمشاركاتك ( مواضيعك و ردودك ) المميزة في المنتدي
و مش لازم يبقي في القسم اللى انت حابب تبقي مشرف عليه بس
ده على كل الاقسام اللى في المنتدي او تحديدا ً في الاقسام اللى بتحبها في المنتدي
و الاساس طبعا ً قسم الاخبار و الصور و اللقاءات ده لازم يبقي ليك مشاركات هناك طبعا ً
الشروط :
1- اهم حاجة طبعا ً مشاركاتك قبل لما تطلب تبقي مشرف / مشرفة تكون عدد مشاركاتك اكبر من 100 مشاركة
2- لديك خبره فى مجال المنتديات وياريت تكتب كنت ماسك اشراف فى مواقع قبل كده زى اية ؟
3- التواجد اليومى لمدة ساعتين على الاقل
4- المشرف الى ماسك قسم مش يظبطه ويشغله هوا وبس لاء لازم كمان يساعد زمايلو و يشارك بردوده مع الأعضاء لتشجيعهم
5- التعامل بين المشرفين حتى لو بهزار يكون بأحترام جوا المنتدى مافيش شتايم حتى لو كانت هزار
6- ممكن مشرف يساعد مشرف فى قسم مش بتاعو
7- التعامل مع الأعضاء يكون بأحترام و ذكاء
8- الى يشوف غلطة فى قسم ماسكه مشرف تانى يبعتله رساله خاصه يقوله عليها
9- اى افكار لتطوير الموقع يتم طرحها فى قسم المشرفين
10- عدم استخدام العضو للاشراف بطريقة غير شرعية ( المصالح الشخصية )
11- ان يكون العضو المرشح يحترم الاخرين وعدم الاساءة لهم
12- ان لا تقل عدد موضوعات العضو عن 20 موضوع فى القسم الذى يريدة في اقسام زينة
اما بقية اقسام العامة لا يقل عدد موضوعات العضو عن 30 موضوع في القسم الذي يريده
13- في النهاية اكيد مش كل واحد هيعمل 20 توبك يقول انا عاوز ابقى مشرف هنوافق احنا لينا وجهت نظر برضه

و من انهاردة هنفتح باب الترشيح للاشراف
و اللى حابب يبقي مشرف معانا في المنتدي و يشرفنا طبعا ً
يا ريت يقولنا حابب يبقي مشرف على قسم ايه ؟؟ و يقولنا سبب اختياره للقسم ده ؟؟
و اتمني التوفيق لجميع التيمورية